كيف تصطادين معرس ؟؟؟؟؟

كيف تصطادين معرس دون اللجوء للأساليب المعهودة والسقيمة
المغازل ،الترقيم،التميلح اللي ماله سنع،الترزز بالاسواق .الخ
لاجابة على هذا السؤال اليك مايلي :
أهم نقطة :
ركزي على المراءة اللي حاطة عينك على ولدها ثم نفذي مايلي :
1- خليك مع أمك لاتروحين مع البنات وعنك العبط اصبري عنهن كم شهر لين تتم العملية .
2-امشي وانتي حاطة راسك بين كتوفك لاترفعينه أبدا حتى لو يصير مهما صارعلشان يقولون مؤدبة ومب متكبرة .
3- كلمة خالة خليها على لسانك وخاصة لأم المعرس علشان تحس بنوع من التميز عن بقية الحريم .
لامانع تنادين وحدة ثانية بخالة علشان إذا مانجحت الخطة معها تنجح مع مراءة غيرها اتبعيها كخطة احتياطية
4- إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل )كثر الدق يفك الحديد) أدري إن المثل ماله داعي بس مالقيت غيره خخخخ
5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند ام المعرس بأنك حريصة على ذريتك .
6-مهما أكلت أمك من أكلة زينة خليها تقول :نفس الاكله اللي تسويها بنتي
حتى لو الاكل من المطعم الصيني أو المكسيكي
7-اذا جيتي بتمدين ايدك لاي شي خشي كشتك واركدي
بالهداوه علشان يقولون هاي هادئه رزينه
وخلي أمك تقول :قايلة لك وأنا أمك لاتنظفين جدران الفلة الخارجية بس أنتي الله يهديك ذابحتك النظافه تأليف خخخخ طبعا وبيني وبينك لو تشوفي غرفتك بالاول تقولين ثايرة فيها قنبلة ذرية خخخخخ
8-دايم ارتزي كأنك بالعة قصبة علشان ماينقص من طولك ولا سنتيمتر للقصيرات
9- اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها >>الا ميته تعرفي اخر الاخبار
)بس لاتكتمين نفسك بالمره تروحين فيها وأصير قتلت نفس بغير حق)
10- ما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة خخخ
11-إذا قالت ام المعرسأم المتوهق بأي رأي سواء كان سياسي أو وطني أو اقتصادي قولي تم حتى لو هو ماسخ وماله داعي مثلا تقول ام المعرس:أمس بوش متقهوي عندنا قولي لها :وليه ماعلمتينا ياخاله نجي نعاونكم خخخخ
12-في العرس لاترقصين قعدي واقضبي ارضك واعتبري الرقص عيب وشق جيب
13-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك تقول مايطلعون للسوق أغراضهم أبوهن يجيبها
ونتي شكلك مقطعه السوق تقطيع خخخخخخخ
علعموم ممكن تكون ام المعرس عينها على بنت غيرك لكن بعد النقاط السابق ذكرها بتصرف النظر عنها الحين بتكوني انتي صاحبه البطوله والف مبروك

نرووووووووح للعريس الحين
الزمي في بيت أهلك ولاعاد تطلعين واذا جاء المعرس بيشوفك

خلي أبوج يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك خخخ وكل يوم نشوفك من حلاق لحلاق (صبغه ،حمام مغربي،تنظيف بشره،الخ)
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي خخخ وذلك تطبيق لنظرية اللمحة ذبحة بعدها عاد كيف بيشوفك هذي عليك مب كل شيء بعلمك اياه دبري عمرك بس

,’ تحذير ’,
ابعدي عن أمهات العيال اللي متعلمات راعيات الشنطة مثل لون الجوتي
لأن هذولي يبيلهم خطط بعيدة المدى خخخ
,’ نصيحة ’,
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفت درب السنع والعداله

وان شاء الله زواج مباارك هههههههههه